Hvalaveiða er ein partur av lívshátinum og mentanini í Føroyum og í Grønlandi, og tað er á burðardyggum grundarlagi við virðing fyri náttúrini Tað staðfesti danski forsætisráðharrin, Helle Thorning-Schmidt, nú hon setti Fólkatingi í morgun.
Hon vísti eisini á, at Danmark og Grønland hava í felag tryggja eina grønlendska hvalaveiðikvotu. Sum vanligt fingu Føroyar og Grønland nøkur orð við á vegnum og Helle Thorning-Schmidt tók grønlendsku hvalakvotuna sum eit dømi um, at ríkisfelagsspurin ger okkum størri.
Hon fegnast eisini um, at makrelkríggið ímóti ES er av og vónar at samráðingrnar um sildina í heyst eisini bera frukt. - Føroyar og Grønland hava stórar, fíggjarligar avbjóðingar, tí tey eldru verða fleiri og fleiri í tali og tey ið arbeiði verða færri og færri. Samstundis fara útreiðslurnar at økjast og sostatt er neyðugt við nýskipanum sum kunnu tryggja haldførið í búskapinum.
Hon sigur, at ríkið samstarvar um at styrkja føroyskt og grønlendskt vinnulív og í hesum sambandi ætlar stjórnin, at danski vakstrargrunnurin hereftir eisini skal kunna veita lán til vinnulív í Føroyum og í Grønlandi. - Tað er søgan, mentanini og familjur og vinaløg, sum halda ríkisfelagsskapinum saman og varðveita hann livandi og sterkan, segði danski forsætisráðharrin.
|
