Liverpool vann í dag 2-1 á Brighton, meðan bæði Manchester City og Chelsea settu stig til. Liverpool er nú 11 stig frammanfyri Manchester City og Leicester, og 14 stig frammanfyri Chelsea.
Stóri miðverjin hjá Liverpool, Virgil van Dijk, skoraði bæði málini eftir deyðbóltar og upplegg frá Trent Alexander-Arnold. Liverpool spældi minni væl, men tóktist hava tamarhald á støðuni inntil Alisson Becker kom út úr málinum og brúkti hondina. Reytt kort.
Síðani skoraði Brighton eitt líknandi fríspark, sum HB gjørdi í steypafinaluni. Nýggi máverjin, Adrian, stillaði manngarðin, tá Lewis Dunk lættliga sendi bóltin í málið til 2-1. Seinastu løtuna stóð eitt sindur á Liverpool, men enn eina ferð megnaðu teir reyðu úr Liverpool at vinna.
Manchester City spældi tíðliga seinnapartin í Newcastle. Úrslitið bleiv 2-2, eftir at gestirnir úr Manchester vóru á odda tvær ferðir. Raheem Sterling og Kevin De Bruyne skoraðu málini fyri City, meðan Jetro Willems og fyrrverandi Liverpool-spælarin, Jonjo Shelvey skoraðu fyri Newcastle.
Chelsea tapti óvæntað á heimavølli móti West Ham, meðan José Mourinho og Tottenham halda fram við at vinna. Hesa ferð vann Tottenham 3-2 á heimavølli móti AFC Bournemouth. Southampton vann botndystin móti Watford í kvøld.
| D | V | J | T | Málm | |||
| 1 | Liverpool | 14 | 13 | 1 | 0 | 32:12 | 40 |
| 2 | Manch.City | 14 | 9 | 2 | 3 | 39:16 | 29 |
| 3 | Leicester | 13 | 9 | 2 | 2 | 31:8 | 29 |
| 4 | Chelsea | 14 | 8 | 2 | 4 | 28:20 | 26 |
| 5 | Tottenham | 14 | 5 | 5 | 4 | 24:21 | 20 |
| 6 | Wolves | 13 | 4 | 7 | 2 | 18:16 | 19 |
| 7 | Sheffield Utd | 13 | 4 | 6 | 3 | 16:12 | 18 |
| 8 | Burnley | 14 | 5 | 3 | 6 | 20:20 | 18 |
| 9 | Arsenal | 13 | 4 | 6 | 3 | 18:19 | 18 |
| 10 | Crystal Palace | 14 | 5 | 3 | 6 | 13:18 | 18 |
| 11 | Manch.Utd | 13 | 4 | 5 | 4 | 19:15 | 17 |
| 12 | Bournemouth | 14 | 4 | 4 | 6 | 18:20 | 16 |
| 13 | West Ham | 14 | 4 | 4 | 6 | 17:23 | 16 |
| 14 | Newcastle | 14 | 4 | 4 | 6 | 13:22 | 16 |
| 15 | Brighton | 14 | 4 | 3 | 7 | 16:21 | 15 |
| 16 | Aston Villa | 13 | 4 | 2 | 7 | 19:20 | 14 |
| 17 | Everton | 13 | 4 | 2 | 7 | 13:20 | 14 |
| 18 | Southampton | 14 | 3 | 3 | 8 | 15:32 | 12 |
| 19 | Norwich | 13 | 3 | 1 | 9 | 13:28 | 10 |
| 20 | Watford | 14 | 1 | 5 | 8 | 9:28 | 8 |
