Løgreglan hevur kannað eitt stórt tal av bilum

- Ein hópur av bilum eru steðgaðir, og sum heilt mugu vit siga, at gott skil hevur verið á ferðsluni seinasta samdøgrið, veit løgreglan at siga í morgun.

Løgreglan letur væl at ferðsluni seinasta samdøgrið, tó at onkur mál hava verið.

 

- Umfatandi ferðslukanningar eru gjørdar kring stóran part av landinum í gjár og í nátt.

 

Vakleiðarin visti í morgun at siga, at tey hava kannað bilar heilt úr Suðuroy til Norðoyggjar og vestur í Vágar.

 

- Ein hópur av bilum eru steðgaðir, og sum heild mugu vit siga, at gott skil hevur verið á ferðsluni seinasta samdøgrið.

 

Sum vit hava skrivað fyrr í morgun, vóru tvey mál í Norðoyatunlinum, har tveir bilar vórðu máldir at koyra ov skjótt.

 

- So høvdu vit eisini málið í Miðvági, har ein bilførari fyrrapartin varð tikin fyri rúsdrekkakoyring.

 

Men, í mun til talið av bilum, sum eru kannaðir undanfarna samdøgur, letur løgreglan bara heilt væl at.