Starvsfelagið og Føroya Arbeiðsgevarafelag undirskrivaðu í gjár 3 nýggjar sáttmálaavtalur. Hesir eru vegna starvsfólkini á sáttmálaøkinum hjá Føroya Tele, Posta og Vága Floghavn. Felags fyri allar sáttmálarnar er, at vit hava gjørt tvey ára sáttmálar og at lønarkarmurin er tann sami 8,19%.
Hetta skrivar starvsfelag.fo.
Føroya Tele
Eftir hækkingar í eftirlønargjøldum og vaktargjøldum hjá Føroya Tele, verður lønarhækkingin hjá limum okkara soleiðis komandi tvey árini:
- 1. januar 2025 hækkar lønin 4,07%
- 1. januar 2026 hækkar lønin 3,87%
Posta
Eftir hækkingar í eftirlønargjøldum og vaktargjøldum á Posta, verður lønarhækkingin hjá limum okkara soleiðis komandi tvey árini:
- 1. januar 2025 hækkar lønin 4,11%
- 1. januar 2026 hækkar lønin 3,87%
Vága Floghavn
Á sáttmálaøkinum hjá Vága Floghavn fer allur karmurin upp á lønina. So lønarhækkingin verður soleiðis komandi tvey árini:
- 1. januar 2025 hækkar lønin 4,32%
- 1. januar 2026 hækkar lønin 3,87%
Semjan millum Starvsfelagið og Føroya Arbeiðsgevarafelag vegna Føroya Tele og Posta kann lesast her.
Semjan millum Starvsfelagið og Føroya Arbeiðsgevarafelag vegna Vága Floghavn kann lesast her.
Mynd: Súni Selfoss, formaður í Starvsfelagnum, og Jórun Gardar, varastjóri í Vinnuhúsinum, skriva undir semjurnar 4. desembur 2024.
