Fýra dystir hava verið í 7. umfari í Premier League í dag. Stóri dysturin var á Old Trafford, har Manchester United tapti 1-0 móti Arsenal. Ole Gunnar Solskjær og hansara menn liggja í løtuni á 15. plássi.
Tað gongur misjavnt hjá Manchester United í løtuni. Í farnu viku vann liðið 5-0 á RB Leipzig í Champions League, men í dag taptu teir fyri Arsenal á Old Trafford. Manchester United hevur ikki vunnið á Old Trafford í Premier League í hesum kappingarárinum. Pierre-Emerick Aubameyang skoraði einasta málið í dystinum við brotssparki miðskeiðis í seinna hálvleiki.
Dagurin byrjaði við málveitslu í Birmingham, har Aston Villa tók móti Southampton. Gestirnir úr suðuronglandi vunnu 4-3. Danny Ings hevur verið Southampton góður, men hann mátti út við knæskaða, ið fyrr hevur hildið honum úti í longri tíð.
Everton fekk ein framúr byrjan upp á kappingarárið, men í dag tapti bláa liðið úr Everton 2-1 móti Newcastle. Í fjórða og seinasta dystinum í dag vann Tottenham 2-1 á Brighton. Gareth Bale skoraði sigursmálið, sum er hansara fyrsta mál síðani skiftið frá Real Madrid í heyst.
| 1 | Liverpool | 7 | 5 | 1 | 1 | 17:15 | 16 |
| 2 | Everton | 7 | 4 | 1 | 2 | 15:11 | 13 |
| 3 | Southampton | 7 | 4 | 1 | 2 | 14:12 | 13 |
| 4 | Wolves | 7 | 4 | 1 | 2 | 8:8 | 13 |
| 5 | Chelsea | 7 | 3 | 3 | 1 | 16:9 | 12 |
| 6 | Aston Villa | 6 | 4 | 0 | 2 | 15:9 | 12 |
| 7 | Leicester | 6 | 4 | 0 | 2 | 13:8 | 12 |
| 8 | Arsenal | 7 | 4 | 0 | 3 | 9:7 | 12 |
| 9 | Tottenham | 6 | 3 | 2 | 1 | 16:8 | 11 |
| 10 | Man City | 6 | 3 | 2 | 1 | 9:8 | 11 |
| 11 | Newcastle | 7 | 3 | 2 | 2 | 10:11 | 11 |
| 12 | Leeds | 6 | 3 | 1 | 2 | 12:9 | 10 |
| 13 | Crystal Palace | 7 | 3 | 1 | 3 | 8:11 | 10 |
| 14 | West Ham | 7 | 2 | 2 | 3 | 13:10 | 8 |
| 15 | Man Utd | 6 | 2 | 1 | 3 | 9:13 | 7 |
| 16 | Brighton | 6 | 1 | 2 | 3 | 10:12 | 5 |
| 17 | WBA | 6 | 0 | 3 | 3 | 6:14 | 3 |
| 18 | Sheffield Utd | 7 | 0 | 1 | 6 | 3:10 | 1 |
| 19 | Fulham | 6 | 0 | 1 | 5 | 5:14 | 1 |
| 20 | Burnley | 6 | 0 | 1 | 5 | 3:12 | 1 |
