Ragnhild Ellingsgaard er ein av teimum sjey, ið savna pengar inn til hjálpartiltakið Meðan vit bíða. Í gjár var stórt tiltak í býráðshøllini í Klaksvík til frama fyri í “Meðan vit bíða”.
Nógv umboð fyri bæði vinnuna og tónleikin í Klaksvík stukku á gátt í býráðshøllini, umframt at aðrir gestur løgdu leiðina framvð.
Hallur Joensen, Karl Martin Samuelsen, Steintór Rasmussen, Rakul Ró Steintórsdóttir, Hans Andrias Joensen, Olvheðin Jacobsen og Lilja Jacobsen vildu øll fegin spæla til frama fyri tiltakinum fyri at vera við at fáa nakrar krónur til átakið.
Klaksvíkar kommuna bjóðaði gestunum, sum komu at hyggja og lurta, kaffi og okkurt søtt til børnini.
Enn er gjørligt at stuðla tiltakinum. Send BARN til 1940 fyri at stuðla við 50 krónum, ella flyt pengar á kontu 6460-540.245.1 í BankNordik.
