Tann enska songkvinnan hevur ongar ætlanir um at syngja saman við Spice Girls aftur.
Tað veit Gaffa.dk í dag.
Tann fyrrverandi Sporty Spice, Melanie Jayne Chisholm ella Mel C vil ikki spæla saman við bólkinum aftur, tí hon vil fokusera uppá sína egnu karrieru.
Hon sigur, at slaturin um, at Spice Girls ætla at spæla saman aftur í samband við Olympisku Leikirnar í London 2012, ikki er rættur.
-Tað vil eg ikki. Men eg vil fegin viðganga, at mær dámdi væl at standa á einum palli við Victoriu, Emmu, Mel B og Geri í 2007, sigur hon við ensku heimasíðuna Metro.
Tann enska songkvinnan leggur ikki fingrarnar ímillum, tá ið hon verður spurd um Spice Girls hevði eina neiliga ávirkan á hana. Hon sigur við ensku miðlarnar, at bólkurin broytti lív hennara. Hon var einans 19 ára gomul, tá ið Spice Girls byrjaði, og tær arbeiddu hart fyri at náa málinum. Mel C staðfestir, at ikki var ein løtt tíð.
Hóast Spice Girls neyvan vera at síggja á einum palli saman aftur í nærmastu framtíð, so er teirra tónleikur kortini aktuellur, tí í næsta ár verður Spice Girls sangleikurin Viva Forever frumframførdur. Sangleikurin verður framleiddur av Marianne Elliott.
