Gentan á síðu 9 í Ekstrablaðnum nýtist ikki longur at vera ein ung, úrlatin kvinna.
Hesum boðar blaðið frá á heimsíðu síni í dag.
Síða 9 er annars kend fyri at hava myndir av júst úrlatnum kvinnum.
– Vit vilja ikki longur bara hava kvinnur á síðu 9. Vit kunnu hava menn. Vit kunnu hava kvinnur, sum eru eldri enn í mesta lagi 40 ár, sum tær eru í dag.
– Men vit hava ongar trupulleikar við, at tað eru ungar, vakrar kvinnur á síðu 9. Vit skulu bara avspegla margfeldni harúti. Vit skulu hava pláss til minst tvey kynd – og alt harímillum – sigur Henrik Qvortrup, blaðstjóri á Ekstrablaðnum, við blaðið.
– Vit skulu ikki gera Ekstrablaðið sum í 70'unum og 80'unum. Tað svarar ikki til tað tíð, vit liva í. Tað var ov nógv mannfólkatos. Tí vilja vit sleppa undan, sigur hann.
Konseptið við »Side 9-pigen« hevur í nógv ár verið umstrítt. Í 2020 mátti Ekstrablaðið sløkra Síðu 9-gentur úr arkivinum, tá DR avdúkaði, at tað í 70'unum og 80'unum vóru gentur, sum ikki vóru komnar til lógaraldur, sum vóru heilt niður í 15 ár, tá myndirnar vóru prentaðar.
Í dag hevur blaðið annars boðað frá, at tey broyta slagorðini fyri fyrstu ferð í 57 ár. Tað skal framyvir eita »Når ingen andre tør«. Tað var annars »Tør hvor andre tier«.
/ritzau/