Tórshavnar Býráð hevur nú fingið nýggjan tekniskan stjóra. Tað er Mikael Viderø, sum nú verður nýggjur tekniskur stjóri hjá Tórshavnar Kommunu. Annars hevur hann verið leiðari á byggideildini á Landsverki seinasta hálvtriðja árið, áðrenn hann nú fer oman á Vaglið. Sostatt fer hann nú aftur í starv hjá Tórshavnar kommunu, har hann var býararkitektur frá 2003, til hann fór í starv á Landsverki á sumri 2012. Hetta merkir, at Landsverk skal hava nýggjan leiðara til byggideildina og tað fara tey at søkja eftir í næstum.
|
