Milliónir at vinna

Tey, sum spæla við í donsku lottospølunum, eiga nakrar spennandi dagar fyri framman.

Í kvøld ber til at vinna 86 milliónir krónur í vanliga mikudagsdráttinum. Hetta verður veruleiki, um supertalið verður drigið í vanliga dráttinum.

Superpuljan hevur 76 milliónir krónur, meðan vanliga fyrstavirðislønin er áljóðandi 10 milliónir krónur.

Hartil kemur so Jokarin, sum eftir hondini er komin upp á 40 milliónir krónur.

Tilsamans í fyrstuvinningum í kvøld eru tískil 126 milliónir krónur.

Og til tey, sum ikki vinna nakað í kvøld er møguleikin aftur fríggjakvøldið, tá nýggja EuroJackpot spælið, sum Danske Spil eisini er partur av, hevur ein fyrstavinning á 120 milliónir krónur.

Alt hetta merkir, at góður møguleiki er hjá einum hepnum vinnara at seta nýtt met tá tað kemur til lottovinningar.

Størstu 10 vinningarnir, sum Danske Spil hevur útgoldið, eru hesir:

38.564.007 krónur – lotto – vika 13 2008 – Keypmannahavn Ey

38.482.709 krónur – mikudagslotto – vika 33 2005 – Århus C

35.875.154 krónur – jokarin – vika 11 2005 Kbh. S

34.790.756 krónur – jokarin – vika 15 2010 Plus abnm.

33.240.799 krónur – lotto – vika 18 2008 Tranbjerg

32.401.766 krónur – mikudagslotto – vika 1 2005 Kbh. S

32.394.239 krónur – lotto – vika 23 2009 Ebeltoft

31.170.243 krónur – mikudagslotto – vika 21 2008 Khb. S

30.880.958 krónur – jokarin – vika 50 2008 Hillerød

30.224.939 krónur – jokarin – vika 30 2005 Roskilde

Kelda: Danske Spil