Í minsta lagi fimm fólk eru deyð, eftir at bumbur brustu í høvuðsstaðnum í Afghanistan, Kabul, í dag.
Tað upplýsir talsmaður fyri løgregluna í Kabul.
Tvey onnur fólk eru særd.
Orsøkin til spreingingarnar vóru magnetiska bumbur, sum vóru festar undir bilar.
Tað eru bæði sivil fólk og fólk úr afgansku trygdardeildunum, sum eru deyð í álopunum, sigur talsmaðurin fyri løgregluna, Ferdows Faramarz.
Tær tríggjar spreingingarnar komu hvør eftir aðra, men í ymsum pørtum av Kabul.
Enn hevur eingin átikið sær orsøkina av álopunum.
Talibanrørslan stendur aftan fyri stórum pørtum av álopunum í Afghanistan, sum krevja mannalív. Tað hendir, sjálvt um bólkurin er í friðarsamráðingum við landsins stjórn.
Tað er als ikki óvanligt, at hernaðarligir bólkar standa aftan fyri bumbuálop ella skotdráp í Afganistan.
Umframt Taliban er eisini Islamskur Statur í Afganistan.
Vanliga eru álopini vend ímóti løgreglu, hermonnum, starvsfólkum hjá stjórnini, aktivistum, átrúnaðarligum leiðarum ella tíðindafólki.
/ritzau/dpa
