Føroyska U19-landsliðið er í hesum døgum í Kroatia fyri at kappast í EM-undankappingarbólki saman við Kroatia, Ísrael og Armenia.
Føroyar vóru mikudagin fyri stórtapið 0-6 (0-3) móti Ísrael.
Í dag gekk munandi betri móti vertstjóðini, Kroatia. Føroyar megnaðu at halda málið reint í fyrra hálvleiki.
Kroatia megnaði við tveimum skjótum málum í 50. og 52. minutti at leggja seg á odda 2-0, men tað eydnaðist eftir tað føroyska liðnum at binda fyri aftur, og endaði dysturin við einum 0-2 tapi.
Skotstatistikkurin við málmøguleikum segði 14-3 til Kroatia, so talan var um ein uppibornan sigur. Málroyndir innanfyri málrammurnar vóru 6-1 til Kroatia.
Týsdagin klokkan 11.30 spælir føroyska liðið móti Armenia, ið tapti 1-2 fyri Kroatia. Í dag tapti Armenia bert 0-1 fyri Ísrael.
Aftaná tvey umfør hava Ísrael og Kroatia seks stig hvør. Føroyar og Armenia hava bæði fyrsta stigið til góðar.
