Gongur tú í hesum døgum eftir Møntergade mitt í danska høvuðsstaðnum Keypmannahavn, sært tú kanska nakrar litríkar landslagsmálningar av føroyskum motivum standa í vindeyganum í gallarínum Sct. Gertruds.
Tað er føroyski listamaðurin Sofus D. Poulsen, ið sýnir fram har.
Í gjár var fernisering, og nógv fólk vóru á gátt hjá Sofusi.
Í nýggjasta Sosialinum var prát við Sofus, nakað áðrenn hesa framsýningina. Tá segði hann millum annað soleiðis, tá vit spurdu hann, hvørjum hann leggur seg eftir, tá hann málar.
– Eg geri mær ómak við, at málningarnir skulu vera so erligir og vakrir, uttan at teir verða alt ov penir.
Her eru nakrar myndir frá ferniseringini í gjár:
##med2##
– Málningarnir eru eitt slag av endurminningum. Eg royni at vera so fríur sum til ber, meðan eg uppbyggi málningin. Mátin, eg arbeiði uppá, er frá »myrkrinum« til »ljósið«.##med4##
##med3##
Her er Kurt Svendsen, ið hevur skipað fyri nógvum framsýningum við føroyskum listafólki gjøgnum árini.
##med5##
Hendan framsýningin endar í morgin 22. august.
