Runavíkar kommuna fer nú undir at betra ljósviðurskiftini rundan um fótbóltsvallirnar við Løkin og á Skála.
Torbjørn Jacobsen, borgarstjóri, sigur, at hetta er eitt neyðugt stig at taka, tí at fótbóltssamgongurnar UEFA og FIFA herða althóða krøvini.
Runavíkar kommuna sigur, at fyrst stendur vøllurin við Løkin í Runavík fyri tørni og síðani vøllurin á Skála.
- Krøvini í útbjóðingartilfarinum vóru í samsvari við altjóða krøvini, og eftir at tilboðini vóru innkomin var greitt, at Spf. EL-Tænastan við Mathiasi Davidsen hevði bíligasta tilboðið. Felagið hevur í arbeiðstøkuni kastað saman við Maskinhandlinum í Saltangará og RTS-Contractors í Runavík. Arbeiðið skal vera liðugt hin 31. mai 2018, skrivar kommunan.
Runavíkar kommuna hevur sett pening av til endamalið, umframt at Fótbóltssamband Føroya eisini stuðlar verkætlanini.
