Tað vísir ein nýggj uppgerð frá vinnufelagnum Mobility Denmark.
Elbilar stóðu sostatt fyri 78,7 prosentum av øllum nýggjum bilum, sum vórðu skrásettir í mánaðinum.
Millum privatpersónar var elbila-parturin uppaftur hægri. Har vóru 95,8 prosent av øllum nýggjum bilum elbilar.
Sambært stjóranum í Mobility Denmark, Mads Rørvig, eru tað serliga lægri avgjøld á elbilar og eitt størri úrval av modellum, sum dríva menningina.
– Tað er serliga partvísi avgjaldslættin á elbilum og eitt betri útboð av elbilum, sum gera, at tað gongur so skjótt beint nú, sigur hann.
Elbilar hava seinastu árini vunnið alsamt størri marknaðarpart í Danmark, og tølini fyri mai vísa, at teir nú nærmast hava yvirtikið privatmarknaðin.
Tølini fyri bilasøluna í Føroyum fyri mai mánað eru ikki kunngjørd enn.
