Allir andstøðuflokkar vísa aftur kravinum hjá stjórnin um, at flokkar skulu atkvøða fyri at taka av halgidag, um teir skulu vera við í komandi verjusemjuni.
Í eini felags tíðindaskrivi kalla flokkarnir – allir uttan fyri stjórnina – tað fyri brot á siðvenju.
– Flokkarnir meta tilgongdina hjá stjórnini sum eitt brot á danska siðvenju fyri breiðum samstarvi um verjuna, stendur í tíðindaskrivinum.
– Tað er órímuligt at seta hetta krav til eina møguliga fígging, sum teir flestur flokkarnir eru ímóti. Tí verður kravið um at avtaka halgidagin víst aftur.
Tað fyrstu ferð, at teir níggju flokkarnir ganga saman um eitt mál, eftir at meirilutastjórnin tók við.
Javnaðarflokkurin, Vinstri og Moderatarnir hava í stjórnargrundarlagnum skrivað, at teir vilja taka av ein halgidag fyri at fíggja framskundaðu útreiðslurnar til verjuna.
Í síðstu viku sendi teir eitt lógaruppskot um at taka dýra biðidag til hoyringar. Og fríggjadagin 13. januar gav Jakob Ellemann-Jensen, verjumálaráðharrin, hinum flokkunum sjey dagar til at boða frá, um teir vildu gera tað.
– Allir níggju flokkarnir handan boðini heita á stjórnina um saman við restini av Fólkatinginum um at finna aðra loysn til komandi verjusemjuna. Allir flokkar eru klárir at møta upp til samrøðingar og at átaka sær ábyrgdina fyri at finna aðra fígging.
/ritzau/
