Nógvir telvarar eru í hesi løtu á veg til Havnar. Ørindini eru at vera við í síðsta umfarinum í liðkappingini, sum í dag verður telvað í Skúlanum við Løgmannabreyt.
Telvað verður í 1. deild, 2. deild og 3. deild.
Tað er longu greitt, at Sandavags Talvfelag hevur vunnið FM í bestu deildini. Spenninguriní 1. Deild snýr seg um, um Vestmanna Talvfelag ella Tofta Talvfelag skal flyta niður. Vestmenningar eru aftastir við tíggju stigum, og toftamenn eru næstaftastir við tólv stigum.
Í dag verður telvað soleiðis: Klaksvík 2 – Toftir, Sandavágur – Havnin og Klaksvík – Vestmanna.
Tað er nógv, sum bendir á, at Rókur í Sundalagnum verður nýggja felagið í bestu deildini. Rókur er trý stig frammanfyri næstbesta liðið hjá sandavágsmonnum.
