ST sigur, at ein stórur partur av norðurkoreanska fólkinum hava ov lítið til matna. Fleiri lond hava steðgað allari neyðhjálp til Norðurkorea orsakað av stríðnum um landsins kjarnorku, men ST heitir nú á londini um at hjálpa landinum aftur.
-Vit eiga ikki at tengja hesi viðurskiftini saman, sigur ST.
Í nítiárunum doyðu meiri enn tvær milliónir norðurkoreanar í hungri, tí landið megnar ikki at breyðføða fólkið.
