Norðurkorea hevur handtikið fleiri skipasmiðjufólk, eftir at eitt herskip koppaði í býnum, Chongjin, tá skipið skuldi sjósetast.
Tað upplýsir KCNA (Korean Central News Agency), sum er almenna tíðindastovan í Norðurkorea.
Óhappið hendi, tá herskipið, sum vigar eini 5000 tons, skuldi sjósetast. Skipið fekk stóran skaða, og partar av skrokkinum fóru í knús.
Fylgisveinamyndir vísa, at skipið, sum liggur á liðini, liggur fjalt undir bláum pressendingum, og afturskipið liggur í sjónum.
Serfrøðingar siga, at hendingin helst fór fram, meðan nógv fólk vóru samlað til sjóseting og hátíðarhald.
- Hetta er ein eyðmýking fyri norðurkoreanska leiðaran, Kim Jong-un, sum vil vísa hernaðarliga styrki, veit tíðindastovan NTB at siga í nátt.
##med2##
