Noreg og Russland møttust eisini í HM-finaluni í Fraklandi í fjør. Tá vann Russland 29-24, so tær norsku kvinnurnar hava nógv at hevna. 53 ára gamla Marit Breivik, sum hevur vant norska kvinnulandsliðið síðani 1994 hevur vunnið alt, sum landsliðsvenjari, bara ikki OL-gull. Marit Breivik hevur vunnið hesi heiðursmerki, sum norskur landsliðsvenjari:
1994: EM: bronsa
1996: EM: silvur
1997: HM: silvur
1998: EM: gull
1999: HM: gull
2000: OL: bronsa
2002: EM: silvur
2006: EM: gull
2007: HM: silvur
Marit Breivik fer frá sum norskur landsliðsvenjari komandi vár, og eru tað mong, sum unna henni at krúna verkið við einum OL-gullheiðursmerki. Flestu norsku hondbóltsserfrøðingar trúgva, at tað fer at eydnast Noregi at vinna gull, men Russland hevur eitt sterkt lið, so tað kann gerast eins javnt, sum tað var í hálvfinaluni ímóti Korea. Kristine Lunde er ivasom hjá Noregi í morgin, men arbeitt verður við at fáa hana klára. Seinasta óvissan um klaguna hjá Korea er farin aftur um bak, og tað er púra víst, at Russland og Noreg byrja OL-finaluna kl. 8.45 í morgin.
