Í gjár høvdu meistararnir í KÍ vitjan av 07 Vestur, sum fór vestur aftur við 2-0 tapi. Eftir tríggjar sigrar á rað, hevur 07 Vestur nú tapt tvær ferðir á útivølli – 2-0 í Gundadali ímóti HB og í gjár 2-0 ímóti KÍ.
Tað var ikki fyrr enn tað restaði eitt korter, at KÍ fekk hol á og skoraði tvey mál. Tveir minuttir vóru millum málini, og í báðum førum var tað innskifta Durita Hummeland, sum skoraði. Hon kom á vøllin í 69. minutti, og hon skoraði í 76. og 78. minutti.
Durita Hummeland skifti í 2019 til KÍ úr barndómsfelagnum EBS/Streymi, og síðani tá hevur hon sambært faroesoccer.com skorað 14 mál – fýra av teimum í ár.
EBS/Skála vann í dag 10 – 0 í Trongisvági. Kára Djurhuus skoraði fýra av málunum. Tilsaman hevur hon skorað sjey mál, og hon er nú toppskjútti. EBS/Skála er fremsti avbjóðarin hjá KÍ, sum er eitt stig frammanfyri EBS/Skála.
Dómaraseðilin sigur, at grannauppgerðin í Gundadali endaði 0-0. Men eygnavitni og eisini dystir.fo vita at siga, at B36 vann 3-1, eftir at Sunniva Willemoes fýra minuttir undan steðginum legði HB á odda. Emma Hansdóttir javnaði beinanvegin til 1-1, og eftir steðgin skoraði B36 tvey mál. Málskjúttar vóru brasilsku spælararnir hjá B36 Jiselle Souza og Livyan Silva, sum nú hevur skorað seks mál.
Og í dag vann NSÍ grannauppgerðina í Sarpugerði ímóti Víkingi 3-0. Øll málini vórðu skorað í seinna hálvleiki. Liðformaðurin Ansy Sevdal Jakobsen skoraði tvey mál, og í tíðini, sum dómarin legði aftrat, var tað Laila Pætursdóttir, sum staðfesti 3-0 NSÍ sigurin.
KÍ – 0 Vestur 2-0 (0-0)
1-0: Durita Hummeland 76.
2-0: Durita Hummeland 78.
Víkingur – NSÍ 0-3 (0-0)
0-1: Andy Sevdal Jakobsen 55.
0-2: Ansy Sevdal Jakobsen 76.
0-3: Laila Pætursdóttir 93.
HB – B36 1-3 (1-1)
1-0: Sunniva Willemoes 41.
1-1: Emma Hansdóttir 43.
1-2: Livyan Silva 53.
1-3: Jiselle Souza 64.
TB/FCS/Royn – EBS/Skála 0-10 (0-5)
0-1: Lea Lisberg 5.
0-2: Kára Djurhuus 13.
0-3: Kára Djurhuus 27.
0-4: Rakul Magnussen 32.
0-5: Silja Augustinussen 38.
0-6: Lea Lisberg 51.
0-7: Randi Fagradal 61.
0-8: Rakul Magnussen 65.
0-9: Kára Djurhuus 69.
0-10: Kára Djurhuus 78.
| KÍ | 6 | 5 | 1 | 0 | 11 | 3 | 16 |
| EBS/Skála | 6 | 5 | 0 | 1 | 20 | 6 | 15 |
| B36 | 6 | 4 | 0 | 2 | 18 | 8 | 12 |
| HB | 6 | 3 | 0 | 3 | 17 | 7 | 9 |
| 07 Vestur | 6 | 3 | 0 | 3 | 10 | 7 | 9 |
| NSÍ | 6 | 2 | 1 | 3 | 15 | 7 | 7 |
| Víkingur | 6 | 1 | 0 | 5 | 19 | 12 | 3 |
| TB/FCS/Royn | 6 | 0 | 0 | 6 | 1 | 61 | 0 |
Máltindurin
Kára Djurhuus EBS/Skála 7
Livyan Silva B36 6
Hanna I. Højgaard Víkingur 6
Lea Lisberg EBS/Skála 5
7. umfar
Leygardagin 7. mai
NSÍ – 07 Vestur
Sunnudagin 8. mai
Víkingur – HB
EBS/Skála – B36
TB/FCS/Royn – KÍ
