Seks partrolarapør eru til fiskiskap, og væntandi koma øll skipini inn at landa hesa vikuna. Skipini hava smáligan fiskiskap.
Á Fiskamarknaði Føroya siga tey, at tveir djúpvatnstrolarar eru á Íslandsrygginum, har teir fáa mest av toski.
- Annar kemur inn at landa í vikuni, men hin kemur helst ikki fyrr enn í næstu viku. Ein frystitrolari er eisini til fiskiskap eftir svartkalva.
Allir teir smáu trolbátarnir liggja, men helst fer onkur avstað í næstum, nú veðrið er so gott.
Tvey garnaskip fiska svartkalva, og eitt fiskar havtasku.
- Fiskiskapurin eftir svartkalva er brúkiligur, men smáligur eftir havtasku. Øll garnaskipini koma inn at landa í vikuni, verður lagt aftrat.
