Bæði FC Barcelona og Real Madrid vóru á vøllunum í gjár í sponsku landskappingini. FC Barcelona hevur greiða leiðslu í oddinum og hon er nú komin upp á 14 stig eftir dystirnar í gjár.
FC Barcelona vann tepurt 1-0 á heimavølli móti Osasuna. Gestirnir fyrireika seg til steypafinaluna, sum verður móti Real Madrid leygardagin. Tá so Jorge Herrando eisini bleiv útvístur var lítil ivi um, at heimaliðið fór at vinna.
Tað skuldi tó vísa seg at verða torførari enn so. Avgerandi málið kom ikki fyrr enn fimm minuttir fyri tíð, tá innskifti Jordi Alba átti seinasta fótin á einum av fleiri álopum hjá heimaliðnum hesa løtuna. Jordi Alba er ein av spælarunum, sum møguliga er í holt við sítt seinasta kappingarár fyri FC Barcelona.
Eftir dystin bleiv bríkslað í gongd í basksika heimstaðnum hjá Real Sociedad, sum hevði Real Madrid á vitjan. Gestirnir hava slept vónini um at røkka meistaraheitinum og fleiri av lyklaspælarunum sótu á bonkinum, nú steypafinalan nærkast.
Tað var tó ein av lyklaspælarunum á vøllunum, Eder Militao, sum átti størsta brølaran. Hann spældi Take Kubo hjá Real Sociedad púra leysan, so hesin kundi leggja vertirnar á odda.
Tá ein tími var farin fekk royndi høgri bakkurin hjá Real Madrid, Dani Carvajal, sítt seinna gula kort og bleiv harvið útvístur. Heimaliðið setti punktum fimm minuttir fyri tíð við máli, sum Ander Barrenetxea skoraði.
Nú er FC Barcelona bara eitt fet frá meistaraheitinum, meðan Real Madrid leggur orkuna í Copa del Rey og Champions League.
| 1 | Barcelona | 33 | 26 | 4 | 3 | 60:11 | 82 |
| 2 | Real Madrid | 33 | 21 | 5 | 7 | 69:32 | 68 |
| 3 | Atlético Madrid | 32 | 20 | 6 | 6 | 55:25 | 66 |
| 4 | Real Sociedad | 33 | 18 | 7 | 8 | 43:29 | 61 |
| 5 | Villarreal | 32 | 16 | 5 | 11 | 46:33 | 53 |
| 6 | Real Betis | 32 | 14 | 7 | 11 | 39:37 | 49 |
| 7 | Athletic Bilbao | 32 | 13 | 8 | 11 | 43:32 | 47 |
| 8 | Girona | 32 | 12 | 8 | 12 | 50:45 | 44 |
| 9 | Osasuna | 33 | 12 | 8 | 13 | 29:35 | 44 |
| 10 | Rayo Vallecano | 32 | 11 | 10 | 11 | 38:41 | 43 |
| 11 | Mallorca | 32 | 11 | 8 | 13 | 31:35 | 41 |
| 12 | Sevilla | 32 | 11 | 8 | 13 | 38:47 | 41 |
| 13 | Celta de Vigo | 32 | 10 | 9 | 13 | 38:45 | 39 |
| 14 | Almería | 33 | 10 | 6 | 17 | 42:58 | 36 |
| 15 | Cádiz | 32 | 8 | 11 | 13 | 25:44 | 35 |
| 16 | Real Valladolid | 32 | 10 | 5 | 17 | 29:55 | 35 |
| 17 | Valencia | 32 | 9 | 6 | 17 | 35:39 | 33 |
| 18 | Getafe | 32 | 7 | 10 | 15 | 29:42 | 31 |
| 19 | Espanyol | 32 | 7 | 10 | 15 | 38:53 | 31 |
| 20 | Elche | 33 | 3 | 7 | 23 | 25:64 | 16 |
Úrslit
| 02.05 | Real Sociedad | 2:0 | Real Madrid |
| 02.05 | Barcelona | 1:0 | Osasuna |
| 02.05 | Almería | 2:1 | Elche |
| 01.05 | Sevilla | 0:2 | Girona |
| 01.05 | Mallorca | 1:1 | Athletic Bilbao |
