ODDAGREIN: Barnslig og tápulig vallyfti

Ein veruligan valdyst sært tú ikki. Í Havn síggja vit eina andstøðu, sum held­ur enn at vísa á ein alt­ern­a­tiv­an politikk rennur aftan á sam­gong­uni og borg­ar­stjór­a­num. Og tann ein­asti per­són­ur­in í bý­ráð­num hes­a­ferð, sum hev­ur svik­ið síni egnu og stillar upp fyri ann­an flokk – hev­ur sum fremsta mál at halda trivn­að­ar­kós­ina. Tykist eitt sindur øvugt at halda trivn­að­ar­kós­ina hjá Tjóð­veld­i­num og Javn­að­ar­flokk­i­num við at velja Fólk­a­flokkin – men kanska tað er soleiðis, at alt skal vevj­ast upp í ein ellubita...?

Meðan tað hevur verið trupult at fáa fólk á listar nógva staðni í land­i­num, so er á­hugi­n sera stórur at verða vald­ur í Tórs­havn­ar bý­ráð – og summi valevni brúka í hundra­tús­undavís av krónum at náa ein­um av teimum 13 sessunum, sum eru í lands­ins størsta býarstýri.

Umframt í høvuðsstaðnum, so er tað bara í Klaksvík, í Eyst­ur­komm­unu og partvís á Tvøroyri og í Vági, at pol­it­isku flokk­ar­nir stilla upp. Tú hoyr­ir mong fólk siga, at tey velja ikki floks­pol­it­iskt á kommunuvali. Hvør skal siga, her eiga politisku flokk­ar­nir ikki at hava valdið eins og í løg­ting­i­num.

Í einum landi, har »politikkurin« í meira enn hundrað ár hjá stór­um parti av teimum í tí pol­it­isku skip­anini hevur snúð seg um stjórn­ar­við­ur­skift­ini í rík­is­felgs­skap­i­num kanst tú kanska skilja, at tá tey ikki eru komin á mál við tí spurn­ing­i­num, so eru tey ikki klár at gera av, um vit skulu hava eitt høgravent ella vinstr­a­vent kommunustýri.

Men at politiskir flokkar við ein­um hug­sjón­ar­lig­um virð­is­poli­t­isk­um grund­ar­lag stilla upp til komm­un­u­val er sjálv­sagt. Er tað neyð­ugt at stilla upp til løg­ting­ið við floks­pol­i­tikki, so er tað sjálv­andi eis­ini við­kom­andi til eitt komm­un­u­stýri – í øllum førum í teimum komm­un­um, sum hava eina stødd, har tað ber til at reka politikk.

Tað er tó einki, sum bendir á, at vit tær stóru broyt­ing­ar­nar. Í Havn verða tað fram­hald­andi teir fýra stóru flokkarnir, sum verða vald­ir. Kanska við onkrari smá­vegis flyting, men valla eini flyt­ing, sum broytir javnvág millum ver­andi blokk­ar­nar. Einki bendir á, at Fólka­flokkurin missir takið í Klaksvík, og á Tvør­oyri hava borgarstjórin og flokk­ur hansara næstan vunnið upp á forhond.

Men tað verða ikki veljararnir í Havn og í Klaksvík, sum gera av, hvør skal stjórna býunum. Tað verð­ur telv­ing­in aft­an á upp­teljingina valkvøldið, og tá kann alt broytast!