Ørsted hevur sett sær fyri at ganga avbjóðingunum á møti við, at vindmyllur ikki altíð framleiða streymin, tá mest er brúk fyri honum.
Orkufelagsið hevur gjørt av at gera íløgur í eina sonevnda battarígoymslu frá Tesla, sum kann goyma upp til 600 megawatttímar av streymi.
Battarígoymslan skal vera við vindmyllulundina Hornsea 3, sum er í Norfolk í Onglandi, og tað verður tann størsta í Evropa.
Hugsanin er, at battaríið skal fyllast, tá vindmyllurnar í Hornsea 3 framleiða meira streym, enn brúk er fyri.
Tá eftirspurningurin av streym síðani verður hægri enn útboðið, verður streymur veittur frá battarínum og víðari á elnetið.
– Hetta fer at minka um sviggini í elprísunum hjá brúkarunum, og tða ver at gera orkuna lættari atkomuliga, eisini tá mesta orkan verður nýtt, stendur í tíðindaskrivi frá Ørsted.
Skipanin skal eftir ætlan takast í nýtslu síðst í 2026. Tað er harumframt ætlanin hjá Ørsted at gera íløgur í enn eina orkugoymslu í Bretlandi.
Hornsea 3 er, sum navnið bendir á, tann triðja havvindmyllulundin í Hornsea-økinum. Hon er í mun til Hornsea 1 og 2 enn ikki bygd og fer, tá hon verður tikin í nýtslu, at kunna veita 2,8 gigawatt.
/ritzau/
