Óli Mittún og liðfelagarnir í Sävehof vóru í dag fyri fyrsta tapinum í bestu svensku hondbóltsdeildini.
Sävehof tapti á heimavølli 33-34 fyri liðnum úr Stokkhólmi, Hammarby sum eisini hava eitt kent fótbóltslið við sama navnið.
Ólukkutíð fyri Sävehof skoraði Ludvig Lundeberg sigursmálið fyri Hammarby í allarseinasta sekundinum av dystinum.
Í steðginum var Hammarby á odda 19-18.
Hammarby er fremst við fullum stigatali. Nummar tvey er Sävehof við seks stigum fyri fýra dystir.
Í dag skoraði Óli tvey mál og legði upp til fýra mál hjá Sävehof.
Í annaðkvøld klokkan 18 taka Rói Ellefsen á Skipagøtu og liðfelagarnir í Hallby móti AMO á heimavølli.
