Tey fyrstu árini kappaðist Malta á oyggjaleikunum. Men so fingu Malta og Ísland tilboð um at koma at kappast í smátjóðaleikunum - Small Nations Games - og so fóru tær burturúr oyggjaleikasamstarvinum.
Ein minni partur av Malta verður nú aftur at síggja á oyggjaleikunum. Oyggin, Gozo sum er partur av maltesiska lýðveldinum fer á fyrsta sinni at kappast á oyggjaleikunum hesaferð.
Gozo sendir 40 ítróttarfólk avstað til oyggjaleikirnar á Guernsey.
Gozo fekk limaskap í altjóða oyggjaleikafelagsskapinum, IIGA í juli í fjør.
Tað búgva 39.300 fólk á Gozo, og talan er tí um eina oyggj sum í stødd hóskar væl til oyggjaleikirnar.
##med2##
