Seinnapartin vunnu Pætur Mikkjalsson og liðfelagarnir í AMO 31-23 á Tyresö í heimadysti í næstbestu svensku hondbóltsdeildini.
Pætur sigur í stuttari viðmerking, at byrjanin var trek, men sum fráleið fingu teir betri tamarhald á bæði verjupartin og álopspartin.
Í steðginum var AMO á odda 17-13. Við fleiri kontramálum eydnaðist tað AMO at vinna dystin sannførandi.
Pætur skoraði tvey mál í dag, og tók sum vant nógv tøk í verjupartinum.
AMO er næstfremst í deildini við 16 stigum fyri sjey sigrar og tveir javnleikir í níggju teimum fyrstu dystunum. Karlskrona er fremst við 18 stigum.
Komandi leygardag spælir AMO móti Västerås á útivølli.