So hava føroysku áleypararnir, Patrik Johannesen og Klæmint A. Olsen verið á vøllinum í fyrsta venjingardystinum fyri verandi íslendska meistaraliðið, Breiðablik.
Breiðablik leikti ígjár venjingardyst móti hinum størra liðnum í Kópavogi, HK.
HK var á odda 1-0 í steðginum. Í seinna hálvleiki kom føroyska álopsparið á vøllin, og tað munaði, tí Breiðablik vann dystin 4-1.
Patrik Johannesen og Tómas Orri Róbertsson skutu tvey mál hvør fyri Breiðablik.
Í februar skal Breiðablik taka lut í einari liga-steypakapping. Fyrsti veruliga kappingardysturin verður spældur 4. apríl tá Breiðablik skal spæla stórsteypadyst móti Víkingi Reykjavík. 10. apríl byrjar kappingin í bestu deildini í Íslandi.
