Patrik skoraði upp á beinleiðis fríspark

Patrik Johannesen og liðfelagarnir í Breiðablik eru nú javnir í stigum við Gunnar Vatnhamar og liðfelagarnir í Víkingi Reykjavík í bestu íslendsku fótbóltsdeildini.

Breiðablik vann í kvøld á heimavølli 3-1 á Fram. 

Patrik sum kom á vøllin í 33. minutti fyri Kristinn Steindórsson skoraði til 3-1 upp á beinleiðis fríspark. Talan er um annað málið hjá Patriki hetta kappingarárið.

Breiðablik-Fram 3-1 (1-1)

1-0 Damir Muminovic ('20 )

1-1 Magnús Þórðarson ('31 )

2-1 Ísak Snær Þorvaldsson ('56 )

3-1 Patrik Johannesen ('67 )

Gunnar Vatnhamar og aðrir stuðulsleikarar hjá Víkingi Reykjavík vóru í kvøld spardir til heimadystin móti Akranesi. 

Víkingur er á gáttini til at vinna seg í deildarspælið í Conference League, og teir spæla á heimavølli móti Santa Coloma úr Andorra komandi hóskvøld klokkan 19.

Skerda Víkinga-liðið megnaði ikki at fáa stig móti Akranesi, og tí eru Víkingur og Breiðablik við 40 stigum hvør jøvn í oddinum í deildini. 

Støðan: