Amerikanska verjumálaráðið í Pentagon váttar í kvøld, at tey seinastu amerikansku herfólkini nú eru farin úr Afganistan.
Tá heimasíður, sum standa Taliban nær, bóru tíðindini um amerikansku afturtøkuna, hoyrdust skot í Kabul, men hesaferð varð hildið, at hetta vóru skot - skotin upp í loft av gleði yvir, at amerikanskir hermenn ikki longur eru í landinum.
Tað veit tíðindastovan NTB at siga í kvøld.
Nú er tað Taliban, sum hevur eftirlitið við flogvøllinum í Kabul. Seinastu flogførini við amerikanskum herfólki fóru úr Kabul í kvøld.
Fleiri sameind lond hava seinastu tíðina flutt nógv fólk úr Afganistan, og USA hevur einsamalt flutt fleiri enn 100.000 fólk úr Kabul hesar seinastu dagarnar.
##med2##