Tann 53 ára gamli konservativi Petteri Orpo er í dag sum væntað góðkendur sum nýggjur forsætisráðharri í Finnlandi.
Hann verður harvið avloysari fyri ta 37 ára gomlu javnaðarkvinnuna Sanna Marin, sum var heimsins yngsti stjórnarleiðari.
Orpo, sum stendur á odda fyri Samlingspartiet, segði í síðstu viku, at hann hevði funnið semju um at skipa eina høgrasinnaða stjórnarsamgongu í Finnlandi.
Umframt Samlingspartiet eru tjóðskaparligi flokkurin De Sande Finner eins og Svensk Folkeparti og Kristindemokratarnir við í stjórnarsamgonguni.
/ritzau/Reuters
