Tað bleiv ongantíð ein spennandi finala í Champions League millum Paris Saint Germain og Inter Milan á Allianz Arena leikvøllinum í München.
PSG vann stórsigur 5-0. Longu eftir 20 minuttir var PSG á odda 2-0, og tá var mótbrekkan longu brøtt hjá Inter.
PSG var betri á øllum økjum. Teir høvdu fýra ferðir so nógvar royndir á málið, og teir høvdu eisini bóltin munandi meira.
Hetta er fyrsta Champions League steypið hjá steinríka franska høvuðsstaðarfelagnum, ið hevur tráað í mong ár eftir at vinna fremsta steypið í kapping fyri felagslið.
Paris Saint Germain-Inter Milan 5-0 (2-0)
1-0 Achraf Hakimi (12.)
2-0 Desire Doue (20.)
3-0 Desire Doue (63.)
4-0 Khvicha Kvaratskhelia (73.)
5-0 Senny Mayulu (87.)
