Úr fiski í frá­landa­vinnu

Nýggja frálandaskipið hjá Krún­borg Offshore, Stril Krún­borg, er farið av bakka­stokki í Pólandi.
Tað veit oljan.fo at siga.
- Sjósetingin gekk væl, og nú verður gjørt klárt til ferð­ina til Noregs, har ski­p­ið verður gjørt liðugt. Far­ið verður úr Pólandi hin 30. desember, og tað tekur einar tríggjar dag­ar at sleipa skrokkin til Noregs.
Stril Krúnborg verður vænt­andi klárur at lata eig­ar­unum í juni næsta ár.
- Talan er um eitt veit­ing­ar­skip til oljuvinnuna, og er skipið serliga út­gjørt til virksemi á hav­botn­i­num. Skipið er út­gjørt við stórum krana og tveimum kavbátum (ROW).
Petur Jacobsen, stjóri í Krún­borg Offshore, sigur við oljan.fo, at teir eru sera fegnir um, at arbeiðið hev­ur gingið so væl, og nú bíða teir eftir løtuni, tá gamla fiskivinnureiðaríið av álvara flytir seg inn í frá­land­a­øldina.
- Eg fari at nýta høvi at ynskja øllum føroyingum eins og okkara partnara í Nor­egi eitt gott nýggjár. Eisini fari eg at ynskja Stat­oil góða eydnu við bor­ing­u­num næsta ár, sig­ur Petur Jacobsen, stjóri, við oljan.fo
Myndirnar hevur Bárð­ur Vágfjall, ið siglir við Havi­la Phoenix tikið.