Aftur í dag verður ein stórur fótbóltssunnudagur á Rás2, har byrjað verður at senda klokkan 14. Fyrstu stóru løtuna endurhoyra vit sendingina "Fótbóltspanelið" frá fríggjadegnum, har Oddbjørn Joensen var gestur.
Hilmar Jan Hansen og Tróndur Arge siga frá fjórðingsfinalunum í kappingini um løgmanssteypið í Gøtu og í Klaksvík. Í Sarpugerði í Norðragøtu spæla Víkingur og HB, og norðuri í Klaksvík spæla KÍ og B36. Báðir dystirnir byrja klokkan 15, og tað ger fjórðingsfinalan millum NSÍ og EB/Streym við Løkin í Runavík eisini. Fylgt verður við, og kunnað verður um gongdina í dystinum millum NSÍ og EB/Streym.
Øll kunnu hoyra Rás2 á www.midlar.fo, og annars á FM 88,7, FM 95,9 og á FM 98,7.
Her á in.fo verður eisini fylgt við fjórðingsfinalunum í kappingini um løgmanssteypið.
