18,4 prosent frávera! Tað er støðan hjá løgtingsmanninum, sum hevur størstu fráveruna í løgtinginum fyrru hálvu av 2014 tingsetuni.
Tað vísir uppgerðin hjá løgtinginum, sum í gerðabókini førir protokoll fyri, hvussu tingfólk møta upp til tingfundir.
Berst tingfólki frá at møta á tingfundi, so ber til at biða løgtingið um farloyvi, og so tekur næsta fólk á listanum sætið. Hetta verður eisini ofta gjørt, men ikki altíð. Hóast Reimund Langgaard hevur størstu fráveruna, so hevur hann eisini havt farloyvi, har næsti maður á listanum hevur verið í hansara stað. Men av sjey av teimum 38 fundunum hevur stólur hansara – sambært løgtingsins gerðabók – staðið tómur.
Um somu tíð í fjør var tað Bárður Nielsen, sum hevði størstu fráveruna. Hon var tó eitt sindur lægri, 16,3 prosent, so í so máta er støðan versnað.
Men fleiri tingfólk hava møtt væl upp hesaferð, tí einans 19 eru á listanum yvir fráverður, meðan talið í fjør var 24.
Á listanum niðanfyri sæst, hvussu tingfólk hava møtt upp síðani ólavsøku:
Uppmøting á tingi tingesta 2014 - 1. 38. fundur |
| ||
|
|
|
|
|
| Tingfundir | Prosent |
1 | Reimund Langgaard | 7 | 18,4 |
2 | Elsebeth M. Gunnleygsdóttur | 4 | 10,5 |
3 | Brandur Sandoy | 3 | 7,9 |
4 | Rodmundur Nielsen | 3 | 7,9 |
5 | Høgni Hoydal | 3 | 7,9 |
6 | Bárður Nielsen | 2 | 5,3 |
7 | Kristin Michelsen | 2 | 5,3 |
8 | Aksel V. Johannesen | 2 | 5,3 |
9 | Kristin Michelsen | 2 | 5,3 |
10 | Rigmor Dam | 1 | 2,6 |
11 | Bjørt Samuelsen | 1 | 2,6 |
12 | Eivin Jacobsen | 1 | 2,6 |
13 | Sirið Stenberg | 1 | 2,6 |
14 | Gerhard Lognberg | 1 | 2,6 |
15 | Gunvør Balle | 1 | 2,6 |
16 | Bill Justinussen | 1 | 2,6 |
17 | Rósa Samuelsen | 1 | 2,6 |
18 | Janus Rein | 1 | 2,6 |
19 | Henrik Old | 1 | 2,6 |
Tað er ymiskt frá ári til ár, hvussu tingfólk møta upp. Um vit fara 10 ár aftur í tíðina, so var støðan nógv verri. Tá vóru eisini 38 tingfundir fyri hálvu at tingsetuni. Tann, sum tá hevði størstu fráveruna, var Sverre Midjord úr Javnaðarflokkinum, sum ikki hevði møtt á 11 tingfundum. Tað er ein frávera upp á góð 25 prosent.
Men tá var tingið sjáldan fullmannað, tí tað var bara eitt tingfólk, Alfred Olsen, sum tá hevði møtt á hvørjum tingfundi. Alfred Olsen man var tann tingmaður, sum møtir eina best upp til tingfundir.
VIÐ AT TRÝSTA HERber til at lesa um støðuna viðvíkjandi uppmøting á tingi fyri 10 árum síðani.
