So er tað alment váttað, sum leingi hevur ljóðað.
KÍ boðar nú frá, at felagið hevur skrivað sáttmála við Róa M. Hentze.
23 ára gamli málverjin vaks upp í B36, og í fjør umboðaði hann B68.
Eingin ivi er um, at talan er um evnaríkan málverja, sum nú verður partur av KÍ hópinum.
Í 2020 spældi hann fýra U-21 landsdystir, men síðani hava skaðar havt við sær, at Rói ikki so ofta hevur verið á vøllinum.
Á sumri í 2021 flutti hann til B68 og spældi 11 dystir, og í fjør var hann ætlaður at vera fyrsti málverji í felagnum, men skaðar vóru orsøkin til, at hann bara spældi 11 dystir. Tann síðsti var 14. august, tá ið B68 vann 6-2 í Sørvági.
