Rói Berg Hansen og liðfelagarnir í HØJ leiktu fríggjakvøldið á heimavølli oddauppgerð móti TMS Ringsted í næstbestu donsku hondbóltsdeildini.
Úrslitið var, at HØJ fyri fyrsta tapinum hetta kappingarárið. Ringsted vann dystin 29-26. Í steðginum var støðan javnleikur 12-12.
Rói skoraði eitt mál fyri HØJ hesaferð.
HØJ er tó framvegis oddalið við 15 stigum, einum stigi meir enn Ringsted og Skive, ið hava 14 stig hvør. HØJ og Ringsted hava leikt níggju dystir. Skive hevur leikt 10 dystir.
Liðið hjá Róki Akralíð, HC Aarhus vann á heimavølli 26-24 á Skive. Í steðginum var Aarhus á odda 11-10.
Støðan:
Nr. | LIÐ: | Dystir | Stig |
1 | HØJ | 9 | 15 |
2 | TMS Ringsted | 9 | 14 |
3 | Skive fH | 10 | 14 |
4 | Rækker Mølle | 8 | 10 |
5 | Team Sydhavsøerne | 9 | 10 |
6 | IK Skovbakken | 10 | 9 |
7 | TM Tønder | 9 | 9 |
8 | Aarhus HC | 9 | 8 |
9 | FIF | 8 | 8 |
10 | Otterup HK | 9 | 7 |
11 | Roskilde | 9 | 5 |
12 | Odder Håndbold | 9 | 4 |
13 | Grindsted | 8 | 3 |