Hóskvøldið gekk sum eftir ánni hjá 38 ára gamla portugisiska málrevinum.
Al-Nassr vann 4-0 á Al-Wehda í útidysti í saudisku liguni. Ronaldo skoraði øll fýra málini, tvey í hvørjum hálvleiki.
Málið til 1-0 var søguligt. Talan var nevnliga um ligamál nummar 500 hjá Cristiano Ronaldo.
Ronaldo hevur nú skotið 503 ligamál í bestu deildunum í Onglandi, Spania, Italia og Saudiarabia fyri Manchester United, Real Madrid, Juventus og Al-Nassr.
Haraftrat koma mál Ronaldo hevur skotið í Champions League, steypakappingum og fyri portugisiska landsliðið.
