Nólsoyar Fornminnisfelag skipar fyri áhugaverdum hagatúri sunnudagin 25. juli 2010. Fornminnisfelagið er við at seta upp navnabretti, so staðarnøvnini verða varðveitt. Sunnudagin ber til at sleppa við og hoyra um søgur og sagnir, sum eru knýttar at staðarnøvnunum. Túrurin er ein lættur hagatúrur og er egnaður til øll.
Páll, Høgni og Jógvan Thomsen eru ferðaleiðarar.
Túrurin er ókeypis.
Byrjað verður á Kunningarstovuni 14.00 og endar uml. kl. 18.00 á Kunningarstovuni, sum verður opin og hevur kaffisølu.
Ternan siglur av Bursatanga kl. 13.00 og inn aftur kl. 19.25. Ferðaseðil á 45 kr tur/retur kann keypast umborð.
