Eg var millum teirra sum í mai mánaða lýddi á framløguna hja branding guruiðnum Símuni Anholt í Miðlahúsinum. Símun hevur ferðast í 61 londum, hann sigur seg hava ráðgivið hópin av londum hvussu hesi skulu branda seg, lond, sum fáur og ongin hevði hoyrt um áðrenn Símun gav teimum eitt brand.
Men, tá Símun lendir í Vágum og kemur úr flogfarinum; tá hendir nakað hjá hesum altjóðagjørda mutilbrandaranum : Símun sigur sannførandi og við patos at hann beinavegin sær, at Føroyar eru sooooo absolut allarvakrasta landið í heiminum, number one in the universe uttan diskussión og so luftin, the aaaaaiiiiirrrr, luft i i heimsklassa og so tann besta hann nakrantíð hevur andað í seg, verulig árgangsluft, simpulthen fantastisk, Óhmeigod, og hann sær at her er ein so super ófatulig mentan og vit føroyingar eru áhhhhhhhhhhhhh so upprunaligir og megakulir og jaligir og wellir og so forferdeliga fitt fólk (áhoyrararnir gleðast, gott er at vera føroyingur tavadenn tí vit føroyingar ellllska at hoyra hvussu fabolous vit eru, allir bandin, sálarliga herðaklappið dask dask) wauuv effektin hjá eloquenta slow talking bretanum, whipped cream power talk um okkum føroyingar, Globaliseraða Turbofólkið í Norðurhøvum, Zen Masters of the Universe, the very ones...
But, (men) sigur Símun, vit skulu fara stillisliga um við grindadrápi, hetta hvørvir av sær sjálvum av dálking (hø hø letur i áhoyrarunum) og, sigur Símun, í Føroyum kann internationala djett settið fáa sær alvorligar spirituellar upplivingar, Zen upplivingar, ikki kinverskt Zen við pagodum og klokkum, Kina er totalt yt veit hann at siga, men tað føroyska zennið, – Faroese Zen Air No 1, tað er framtíðin og vit skulu leggja doyðin á bara at fáa millionerar og kendissar hendavegin, ongan sum ikki hevur lummarnar fullar av platin credit cards og byggið so nøkur ordlig marglætishotel so millionerarnir kunnu verða hóskandi refreshjair.
Síðani takkar Símun við tign teimum 50 føroyingum – sum uttan samsýning – hava greitt honum frá um okkara samleika (gestablíðir, chain dance, skerpikjøt) so at hann gjørdist førur fyri at leggja Uttanríkisráðnum lag á, hvørjar ætlanir skulu setast í verk fyri at draga full flogfør av millióningum hendavegin, hvørji nýggj almenn ferðavinnustjórarstørv skulu setast á stovn og so gav hann tað lyfti, at hann minst einaferð um árið kemur henda vegin himself fyri at skoða verkið og kjekka at hansara geidleines og Zen air blíva rætt implementeraðar.
Men, bestu ráðini til landsstýrið eru, at tað beinanvegin fær sær tveir finskar ráðharrar í samgonguna. Hann visti at siga av royndum at finskir ráðharrar eru »do it men« ella »do it politikarar«.
Og so takkaði Símun fyri seg, klapp klapp. Og nú vita vit, at millióna-samsýningin umframt expenses and travel costs føroyski skattgjaldarin letur Símuni, uttan iva eru smápengar fyri hansara gløggu observatiónir um luftina og zennið, sum fara at bjarga okkum Tjóðina! Vit føroyingar eru ikki smáligir tá vit samsýna útlendingum.
Men tað syrgiliga er, at tað vit øll rinda Sìmuni og øðrum honum líkum er fyri almindiligheitir, banalitetar, onki veruliga kreativt nýbrot, sum radikalt kann menna okkara ferðamannavinnu. Nýggju klæði keisarans enn einaferð – júst sum okkara egna vision 2015, ella hvat tað var. Lítil og ongin kritiskur sansur.
So sanniliga hava vit í dag eina vælvirkandi ferðmannavinnu her á landi við dugnaligum føroyingum, sum væl duga at marknaðarføra okkum og, væl at merkja, um tey fáa tær røttu umstøðurnar at virka í.
Hví tora so fá at seta orð á, at forðingin í dag og tungi kleppurin fyri menning av ferðamannavinnuni og framburði yvirhøvur eru ferðaseðlakostnaðurin hjá almennu reiðaríunum, Atlantic Airways og Norrønu. Verða hesir ikki broyttir bløðir ferðamannavinnan út. Íslendska ferðamannavinnan fór at blóma tá Iceland Express og Iceland Air broyttu prísleguna radikalt. Tað er snøgt sagt alt ov dýrt at ferðast til Føroyar og tessvegna kemur alt ov lítið av ferðafólki higar. Við einum returferðaseðli hjá Atlantic uppá kr. 1.200,- og onki tvass við avmarkingum, og burtur i weekend og tílíkt, høvdu vit havt full hotel og fullar matstovur heila árið og ferðamannavinnan vildi blómað – tí, vit hava eitt vakurt land og fólk vilja koma hendavegin.
Føroyar tørva kommercielt hugsandi politikarar, sum lurta eftir vinnuni og ganga hennara ynskjum á møti – »do it monnum« ... Kanska var tað ikki eitt so býtt hugskot hjá Símuni kortini at manna landsstýrið við finnlendingum !
Eftirskrift
Nú sunnudagin vóru tvey ferðamannaskip á Havnini. Klokkan 09.30 fyrrapartin gekk hópurin av fremmindafólki á Vaglinum og í miðbýnum og hugdi eftir souvenirs i gluggunum á Gamla Bókhandli og Kunningarstovuni og snoddaðu eftir matstovum og veitingarstøðum, men allastaðni stongt, stongt, stongt, ikki ein handil ella matstova opin ! vinnulívið í Tórshavn vil heldur sova enn at taka sær av ferðafólki ein sunnumorgun.
