Sæla á ferð kring landið

Tá Rebekka og Jákup eru saman, fara tey út um mørk. Vinkonan ákærir Jákup fyri neyðtøku, men Rebekka vil ikki lurta. Hon hugsar bara um at linna egnu pínu. Spakuliga fatar hon, hvat veruliga er hent.

 

Gilli Brend í Hoyvík hevur tikið myndirnar

Sæla hevði frumsýning í Norðurlandahúsinum og var í vikuni sýnd í Løkshøll. Nú eru fleiri sýningar settar á skrá, og tær byrja í komandi viku, tá Sæla verður sýnd Havnar Bio mánadagin, týsdagin og mikudagin. Síðani verða sýningar í SALT í Suðuroy og í Mentanarhúsinum í Fuglafirði seinni í februar. 

Filmurin varð róstur eftir fullsettu frumsýningini. Høgni Djurhuus skrivaði í sínum ummæli, at ”Katrin Joensen-Næs hevur gjørt ein gløggan, viðkomandi film, eina filmsperlu.” 

Og filmumælararin Birgir Kruse skrivaði, at ”filmurin er bæði góður og týdningarmikil”, og hann legði afturat, at ”eins framúr í nýggja stuttfilminum er realljóðið, tá kvinnuligi høvuðspersónurin fleygar sær, og so tónleikurin, ella rættari ljóðrøddirnar, ið eru uttan fylgispæl. Framúr avrik, ið flytur føroyska filmsframleiðslu nógvar sekvensir fram.” 

##med2##

 

Hesar eru dagfestingarnar fyri komandi sýningarnar: 

13., 14. og 15. februar í Havnar Bio

23. februar í Mentanarhúsið í Fuglafirði 

25. februar í SALT

Leikstjóri er Katrin Joensen-Næs, ið áður hevur leikstjórnað Ábyrgd, sum eisini fekk 

góð ummæli og varð handað sálarheilsuvirðislønina frá Sinnisbata. 

Leikarar eru Bjørk Búadóttir Tórgarð, Edvin H. Niclasen, Ebba Malena Debess Thomsen.

Aldursmark er 15 ár

 

##med3##

 

Gilli Brend í Hoyvík hevur tikið myndirnar