Sævarmoy úr Klaksvík vann, tá ið kappast var í Miðvági fyri einari viku síðani, og aftur í dag eydnaðist tað óføru dreingjunum úr Klaksvík at vinna, tá ið teir kappaðust á heimasjógvi á vánni í Klaksvík, har 500 metra málið er á hálvari Kósabrúnni, og har endamálið er inni við gomlu Stengurnar.
Hetta var triði sigurin hjá Sævarmoy í barnakappingini hjá dreingjum í summar. Umframt í dag og fyri viku síðani vann Sævarmoy eisini í fyrstu kappingini, sum var á fjarðastevnu, tá ið tað varð kappast á Skálafjørðinum.
Sævarmoy var eina hálva bátslongd undan Dúgvuni úr Sørvági, og Dúgvan var eitt vet undan Kolli úr Kollafirði.
Hesir tríggir bátarnir vóru væl undan teimum næstu. Títlingur var meiri enn eina bátslongd aftanfyri Koll, og tað vóru tvær bátslongdir frá Títlingi og aftur til Tjaldrið.
1 | Sævarmoy | 02:55.20 | 7 | 0 | 0 |
2 | Dúgvan | 02:56.46 | 6 | 0 | 0 |
3 | Kollur | 02:57.13 | 5 | 0 | 0 |
4 | Títlingur | 03:00.47 | 4 | 0 | 0 |
5 | Tjaldrið | 03:06.11 | 3 | 0 | 0 |
6 | Leikalind | 03:07.22 | 2 | 0 | 0 |
7 | Havfrúgvin | 03:10.44 | 1 | 0 | 0 |
8 | Tistil | 03:14.23 | 0 | 0 | 0 |
9 | Havørnin | 03:20.18 | 0 | 0 | 0 |
10 | Royndin Fríða | 04:00.00 | 0 | 0 | 0 |