Tað segði Erhard Joensen, løgtingsmaður fyri Sambandsflokkin og formaður í fíggjarnevndini við Deg og viku í kvøld.
Og orsøkin til, at hesin viðgerðarstovnurin skal á fíggjarlógina er ikki tí, at tað er tað sum landsstýrismaðurin í heilsumálum, ella heilsumyndugleikarnir í Føroya halda tað. Tað er tí, at tað er eitt ysnki frá nøkrum limum í Sambandsflokkinum, ið sum formaðurin í fíggjarnevnini sigur, »eru rættiliga væl inni í viðurskiftum um rúsevnisviðgerð«...
Vit hava spurt Kaj Leo Holm Johannesen, landsstýrismann, um tað er rætt skilt, at hann als ikki hevur verið við í hesum, og at fíggjarnevndin av sínum eintingum er farin at føra rúsevnisviðgerðarpolitikk, sum nátúrliga átti at ligið hjá landsstýrismanninum í heilsumálum og hjá heilsumyndugleikunum.
– Teir vóru á einum fundi einaferð og greiddu frá, hvat teir gjørdu.
– Men at seta pening av beinleiðis til privata fyritøku frá Løgtingum, tað er skeivt, sigur landsstýrismaðurin.
– Eg havi ikki verið við í tilgongdini, men at sjúkrahúsverkið keypir tænastur frá teimum upp á sama máta sum við øðrum veitarum, tí havi eg sum so einki ímóti, men eg veit ikki, hvussu hetta skal gerast í praksis, tað veit fïggjarnevndin vónandi, sigur Kaj Leo Holm Johannesen, sum er landsstýrismaður á økinum.
Sambært fíggjarnevndarformanninum, er argumentið hjá danska stovninum, Novavi, sum sambandsfólkini vilja hava til Føroya, at hesin stovnur kann bjóða okkurt, sum føroysku stovnarnir, sum eru frammanundan, ikki kunnu bjóða.
