Kaj Leo Holm Johannesen segði í røðu síni á einum LGBTI seminari í Norðurlandahúsinum í gjár, at nú var ikki langt eftir á mál at tryggja rættindi hjá LGBTI persónum í Føroyum.
Hann vísti á í røðu síni, at í hansara tíð í politikki vóru tikin nøkur smá, men týdningarmikil fet á leiðini at tryggja LGBTI persónum í Føroyum eina meiri virðiliga, opna og trygga tilveru í Føroyum. Tó er ikki liðugt enn.
– Tað er kortini ikki at siga, at vit eru komin á mál. Eg haldi, at vit skulu syrgja fyri at virða ta lóggávu, sum vit hava samtykt. Haraftrat haldi eg, at vit skulu syrgja fyri at gera tær fylgilógir, sum gera, at vit sum samfelag ikki gera mismun á minnilutabólkum, her undir LGBTI persónum, segði Kaj Leo Holm Jo hannesen.
Men her fer landsstýrismaðurin skeivur. Ein av sterku monnunum í landsstýrinum, Jenis av Rana, ger í samrøðu við Sosialin púra greitt, hetta als ikki kemur upp á tal.
– Hendan samgongan fer ikki at broyta eitt komma fyri at gera tað ónáttúrliga náttúrligt, sigur Jenis av Rana.
##med2##
Og við tað "ónátúrliga" meinar hann, at kvinnur eru giftar kvinnum og menn eru giftir onnum – og at hesi hjún skulu kunna hava børn á sama hátt sum onnur foreldur.
So hóast bæði Kaj Leo Holm Johannesen, Bárður Nielsen, løgmaður, og Johan Dahl, løgtingsmaður, hava lovað at loysa hetta málið, so verður tað ikki gjørt, sigur Jenis av Rana.
Formaður Miðfloksins leggur dent á, at hetta er ikki ein trupulleiki hjá samgonguni. Men ein trupulleiki innanhýsis í Sambandsflokkinum, sum flokkurin sjálvur má greiða.
