Sandoyingar fóru seinnapartin úr Leirvík við fullari úrtøku. B71 vann 3-2, og sigurin ber við sær, at nú hevur B71 36 stig, er á fjórða plássi og hevur aftur møguleika at vera við í kappingini um at flyta upp. Tað eru tvey stig fram til AB, sum er næstfremst, og tað er eitt stig fram til NSÍ, sum er á triðja plássi.
Um eina viku fær B71 vitjan av KÍ, og 10. oktober skal B71 suður til Vágs at spæla útsettan dyst ímóti FC Suðuroy.
Tað var málleyst í fyrra hálvleiki, og tríggjar minuttir eftir steðgin legði B71 seg á odda. Clayton Soares átti uppleggið, og Jónas Warner skoraði málið. Miðskeiðis í seinna hálvleiki javnaði Víkingur til 1-1. Málskjútti var Magnus Heinason.
Tað stóð á jøvnum, inntil tað restaðu fimm minuttir. Tá gekk tað heilt skjótt fyri seg, tí tað var heilt stutt millum málini. Joel Vazques legði B71 á odda 2-1. Jónas Warner átti uppleggið, og tríggjar minuttir seinni vóru sandoyingar aftur upp á spæl. 3-1 málið skoraði Tijani Mohammed, og uppleggið stóð Suni Herman Petersen fyri.
Stóripinnur hevði verið tríggjar ferðir eyka runt, tá ið Víkingur minkaði um munin til 3-2, sum varð úrslitið. Málskjútti var Rani Hansen.
KÍ - FC Suðuroy 0-0
Víkingur - B71 2-3 (0-0)
0-1: Jonas Warner 48.
1-1: Magnus Heinason 66.
1-2: Joel Vazques 84.
1-3: Tijani Mohammed 88.
2-3: Rani Hansen 93.
Skála - HB 3-4 (0-3)
0-1: Gilli Róason 23.
0-2: Áki D. Samuelsen 39.
0-3: Lukas G. Giessing 44.
1-3: Dávid Johansen 52.
1-4: Jákup L. Thomsen 72.
2-4: Teitur R. Joensen 79.
3-4: Pætur Dam Jacobsen 86.
AB - NSÍ 1-2 (1-1)
0-1: Meinhard Janusarson 16.
1-1: Sørin N. Samuelsen 22.
1-2: Meinhard Janusarson 74.
B36 - EB/Streymur - útsettur til 28. september
Skála | 23 | 15 | 1 | 7 | 53 | 27 | 46 |
AB | 23 | 11 | 5 | 7 | 44 | 33 | 38 |
NSÍ | 23 | 11 | 4 | 8 | 50 | 47 | 37 |
B71 | 22 | 11 | 3 | 8 | 48 | 40 | 36 |
Víkingur | 23 | 10 | 4 | 9 | 56 | 41 | 34 |
KÍ | 23 | 8 | 5 | 10 | 35 | 41 | 29 |
HB | 23 | 9 | 2 | 12 | 36 | 50 | 29 |
B36 | 22 | 7 | 4 | 11 | 35 | 49 | 25 |
EB/Streymur | 22 | 7 | 3 | 12 | 37 | 52 | 24 |
FC Suðuroy | 22 | 5 | 7 | 10 | 33 | 47 | 22 |
Máltindurin
Clayton Soares B71 | 18 |
Aksel B. Danielsen Skála | 13 |
Martin Klein Joensen Víkingur | 12 |
Símin Hansen AB | 12 |
Villiam Emil Klein B36 | 11 |
Leygardagin 25. september
EB/Streymur - AB
Víkingur - Skála
HB - NSÍ
B71 - KÍ
FC Suðuroy - B36