Eftir at illveðrið í hesum umfari hevur lagt seg, hevur løgreglan havt eina friðarliga nátt.
Tað einasta, sum vaktleiðarin í morgun visti frá náttini at siga, var, at nakrir bilar hava mist nummarspjøldrini.
- Vit hava verið úti í høvuðsstaðarøkinum í nátt, og her mistu seks bilar nummarspjøldrini.
Vaktleiðarin visti at siga, at talan er um eigarar, sum antin ikki hava yvirhildið sýn - ella skyldurnar við vektgjaldi ella trygging.
Løgreglan var eisini við onkrar barnagarðar og skúlar gjáramorgunin.
- Her vísti alt seg at vera í lagi, sum tað eisini oftast er, legði vaktleiðarin aftrat í morgun.
