Nuuk hevur tikið av ferðbannið, sum hevur verið galdandi síðani 18. mars.
Tað skrivar grønlendska blaðið Sermitsiaq, tí nú eru tvær vikur farnar uttan at nakar er smittaður við koronavirus í grønlendska høvuðsstaðnum.
Sambært blaðnum verður bannið longu tikið av á midnátt.
Tað er tann grønlendska epedeminevndin, sum skuldi havt tikið avgerðina.
Formaðurin í nevndini vil í løtiuni hvørki vátta ella avsanna tíðindini, skrivar blaðið.
Nuuk er einasta stað í Grønlandi, har tað hevur verið ferðabann bæði innan- og uttanlands.
Tilsamans hava 11 verið smittað við koronavirusi í Grønlandi, øll í Nuuk, og øll eru vorðin frísk aftur.
/ritzau/
