Fyrsta konsertin á ársins Summar Festivali verður á Torginum hóskvøldið klokkan 19. Tá fer Maria Ronnisdóttirt á Heygum at spæla.
Evnaríka songkvinnan hevur gjørt vart við seg við útgávu av frálíkum sangum og sterkum live-framførslum.
Maria hevur sungið sangir sum "Brævið", "Góðan morgun mín kæri" og duettina "Nú verður myrkur til ljós" saman við Halli Joensen.
Hon fekk eitt slag av gjøgnumbroti á stOVEtónum í Nólsoy, tá ið bloggarin Birgir Kruse kallaði hana eina stjørnu.
Í fjør hevði hon frálíka framførslu á Summar Festivalinum, og hon verður við aftur í ár. Maria fer saman við pápanum, Ronni Nielsen, at framføra egnar sangir og tøkuløg á Torginum.
