Skála økti í kvøld um frástøðuna aftur til næstu avbjóðararnar. Tíðliga seinnapartin tapti NSÍ 3-2 á heimavølli ímóti EB/Streymi. NSÍ er framvegis næstfremst, men nú eru tað sjey stig fram til Skála, sum í kvøld vann 3-1 á heimavølli ímóti teimum næstbestu hjá HB. Harvið hevur Skála framvegis fulla úrtøku, og Skála hevur spælt ein dyst færri enn næstu avbjóðararnir.
Á Skála liðnum vóru fleiri spælarar við nógvum royndum. Her verður hugsað um Jónhard Frederiksberg, Pætur Dam Jacobsen, Teitur R. Joensen, Niels Pauli Danielsen og Pedro Taracon Anton.
Millum teir í yngra endanum vóru Aksel B. Danielsen og Jan Ingason Hansen.
HB var væl mannað við Bjarta Vitalis Mørk í málinum, ogúti á vøllinum vóru Pætur J. Petersen, Gilli Róason, Michal Przybylski og hjálparvenjarin Kevin Schindler.
Skála spældi seg til fleiri góðar møguleikar í fyrra hálvleiki, men øll málini vórðu skorað í seinna hálvleiki. Fýra minuttir eftir steðgin setti Aksel B. Danielsen hol á. Hetta var triðja málið hjá honum í ár. Jan Ingason Hansen átti uppleggið, og hann var málskjútti miðskeiðis i hálvleikinum. Aksel B. Danielsen átti uppleggið til 2-0 málið.
12 minuttir undan dystarenda økti Dávid Johansen um munin til 3-0. Hetta var tríggjar minuttir eftir, at hann var skiftur inn, og hetta var annað málið hjá honum í ár. Uppleggið átti Poul Kallsberg.
Tveir minuttir seinni pyntaði HB um støðuna, tá ið Gilli Róason minkaði um munin til 3-1.
NSÍ – EB/Streymur 2-3 (2-1)
1-0: Áron Høj 8.
2-0: Jógvan Højgaard 20.
2-1: Jákup Hummeland 22.
2-2: Høgni Hummeland 74.
2-3: Jákup Hummeland 85.
Skála – HB 3-1 (0-0)
1-0: Aksel B. Danielsen 50.
2-0: Jan Ingason Hansen 68.
3-0: Dávid Johansen 78.
3-1: Gilli Róason 80.
B71 – AB 2-0 (2-0)
1-0: Clayton Soares 11.
2-0: Johan Hendrik Lydersen 45.
B36 – KÍ 4-1 (2-0)
1-0: Rasmus Dan Sørensen br 22.
2-0: Villiam Klein 27.
3-0: Hans Jákup Annfinsson 46.
4-0: Hans Jákup Annfinsson 64.
4-1: Dávid Langgaard br 67.
FC Suðuroy – Víkingur 0-1 (0-1)
0-1: Sveinur Justinussen 24.
| Skála | 6 | 6 | 0 | 0 | 14 | 4 | 18 |
| NSÍ | 7 | 3 | 2 | 2 | 18 | 12 | 11 |
| B36 | 7 | 3 | 2 | 2 | 10 | 8 | 11 |
| Víkingur | 6 | 3 | 1 | 2 | 10 | 9 | 10 |
| B71 | 6 | 3 | 0 | 3 | 13 | 10 | 9 |
| HB | 7 | 3 | 0 | 4 | 10 | 13 | 9 |
| AB | 6 | 2 | 2 | 2 | 8 | 9 | 8 |
| EB/Streymur | 6 | 2 | 1 | 3 | 13 | 13 | 7 |
| KÍ | 6 | 1 | 1 | 4 | 7 | 14 | 4 |
| FC Suðuroy | 7 | 1 | 1 | 5 | 9 | 20 | 4 |
8. umfar
Leygardagin 1. mai
EB/Streymur – B71
Skála – B36
HB – NSÍ
AB – FC Suðuroy
Sunnudagin 2. mai
Víkingur – KÍ
